今日由啟德起步 經土瓜灣九龍城碼頭、海心公園、黃埔海逸豪園海皮、大環山游泳池、紅磡碼頭、尖沙咀海濱花園、星光大道、天星碼頭、中港城，到達戲曲中心作結。唔長，全程只係8公里 。 一路跑 一路想當年 童年喺土瓜灣成長 ，一家八口住喺益豐大廈呢幢龐然巨物 。周末老豆除咗帶我地去紅蘋果街市圖書館打書釘，就係去海心公園盪千秋 。記得以前魚尾石真係超級似魚尾，依家經過風吹雨打，魚尾石無晒棱角，唔似了。 跑到去黃埔，諗起媽咪間中會帶我地由屋企行過去紅磡廣場、黃埔新天地行街。我次次出發前都好興奮，但行行下就好攰想折返屋企，後悔跟出嚟 。等媽咪期間我同阿哥就會喺猜下樓梯、玩下黑白打發時間 。 大環山游泳池可以算得上係青春印記 。中學水運會年年喺度搞，我唔識游水，一次都無參加過 。但諗番當年喺看台同同學一齊hea其實都幾開心 。 而最後學識咗游水都係喺大環山游泳池 ，由好朋友兩夫婦教我 。我地兩家嘅小朋友依家讀同一間小學，都係好朋友，感恩 。 諗諗下，話咁快就跑到尖東。以前老豆做導遊，有時我又會跟下 ，拎住支旗仔做小助手帶遊客去購物 。老豆平日好少講嘢，但帶團嘅時候簡直變咗第二個人，可以不停地講啲似是而非嘅故仔，又幾有娛樂性。係嘅，為生計，有時都需要轉變同適應，就好似我明明本來都係內向嘅I人（講親都無人信），只係成長同工作經歷令我變得好似外向E人 🤷‍♀️ #跑步隨想

✌🏻Yeah✌🏻 左右仔期末考試結束～～ 呢一年辛苦了 大家都抖下啦～ #未考完試嘅小朋友同家長 #加油呀 #就快放暑假啦

跟我一齊行家居博覽～ 感受美國品牌 @serta.hk 電動床褥 #會場限定優惠 #最低4折 #Serta #非一般舒適 #Serta床褥 #SertaHongKong #美國名牌 #連續8年美國銷量冠軍 #香港家居博覽 #家居博覽 #SertaSheep #InHomeExpo #香港家居博覽

加強控煙，我舉腳贊成！ 尤其禁止公眾地方管有及吸食另類煙呢一點～ 近年眼見多咗好多女士、年輕人吸食，上咗癮一來難戒除，二來對大腦嘅發展（記憶力、認知能力）以及其他健康影響甚至可以過之而無不及。 希望大家珍惜自己同下一代嘅健康，要靚要型要減壓，仲有好多方法嘅～